Ikindi wagty bir balykçy deňziň kenarynda balyk tutup oturanmyş. Balykçy çeňňegine balyk ildigi ur-tut jübüsinden çyzgyç çykaryp, balygyň boýuny ölçäp görýärmiş. Eger balyk 25 sm-den uzyn bolsa, yzyna oklaýarmyş, kelte bolsa-da bedresine salýarmyş.

Bu balykçyny bir adam uzakdan synlap oturan eken. Balykçynyň uly balyklary deňze oklap, kiçi balyklary alyp galýandygy bada-bat onuň ünsüni çekipdir. Ol bilesigelijilik bilen balykçyň ýanyna gelip:

− Näme üçin uly balyklara degmän, kiçi balyklary alýaňyz? –  diýip sorapdyr.

Balykçy oňa gysgaça şeýle jogap beripdir:

− Sebäbi sajym 25 sm-den uly däl.

Soňky birki asyr bäri adamzat açgözlük bilen gör nijeme «çeşmeleri» guratdy. Megerem, açgözlük şu asyryň iň uly apatlarynyň biri bolsa gerek. Adam ogly janly-jandarlara Ýaradany ýatladýan alamatlar hökmünde garamagy öwrenýänçe, bütin barlygy özüne boýun etjek bolup gezer. Adam ogly «sajynyň» uly däldigine göz ýetirýänçä, asla açgözlük belasyndan dynyp bilmez.