Çeşmelerde maglumat bermeklerine görä, Ysmaýyl Samany Horasany zabt etmek üçin ýörişe çykýar. Ol bir bölek goşuny öňden iberýär. Şol goşunyň serkerdesi Ysmaýyl Samanyň diwanyna hat ýazyp, onuň pikirini soraýar: «Patyşamyz bize aýtsyn, biz duşman bilen garşylaşanymyzda nähili ýarag bilen uruşmaly? Bir ýerde düşlän leşgeri nähili usulda saklamaly?» diýipdir. Emir Ysmaýyl onuň hatyna şu jogaby ýazyp, tugra basypdyr: «Din ýaly adamy saklaýjy-goraýjy zat ýokdyr. Hiç bir gala bolsa adalatlylykdan berk däldir. Wessalam!»