Müminleriň emiri hezreti Alydan (radyýallahu anh):

— Ýyldyzlar ylmy barada näme diýersiň? – diýip soranlarynda, ol şeýle jogap  beripdir:

— Ony öwrenmekden hiç hili peýda ýokdur. Amala aşmaly zat hökmany suratda bolup geçer. Ony dep etmäge hiç hili güýç ýokdur. Ynsanyň hilesi takdyr peýkamynyň öňünde ejizdir. Eger bir kişi bu ylmyň syrlaryna aralaşyp, ussat derejä ýetäýende-de, boljak wakanyň öňüni alyp bilmejek bolsa, ony öwrenmek üçin çeken azabyňdan ne peýda?! Hatda haýsydyr bir bela-beteriň injekdigini bilip, oňa garaşmak adamy hasam alada goýmaýarmy näme?!