Sabyrly boluň, sebäbi ähli işleriň şow almagy sabyr-takata baglydyr.

* * *

Allatagalanyň we onuň resuly Muhammediň wada eden zadyna ýetmäge çalşyň, ýagny haýyr işler edip, şer işden gaça duruň.

* * *

Şer iş edip jennete we haýyr iş edip dowzaha düşerin öýtmegin.

* * *

Şer işe kalbyňdan ýer bermän onuň öýüni ýumurmaga çalyş. Eger sen oňa kalbyňda ornaşmaga ýol berseň ol seniň öýüňi ýumrar.

* * *

Ýerine ýetirip biljek zadyňy wada etgin. Başarmajak işiňi wada etmek ýalan sözlemekdir.

* * *

Bir söz sözläniňde näme aýdýanyňa we haýsy ýerde, näwagt gürleýäniňe üns bergin.