Akylyna daýanan ynsan dogry ýoldan azaşmaz.

* * *

Iki peýkamy bir kirişde atyp bolmaz.

* * *

Niýeti päk adamyň amaly hem päkdir.

* * *

Alla şek ýetirmek şepagatdan mahrum eder.

* * *

Zanny ýaman adamyň niýetini onuň lybasy hem ýapyp bilmez.

* * *

Talagy erkek berýändir. Aýalyň soňky ykbaly aýalyň özüne baglydyr.

* * *

Hökümdaryň biadyllygy halkyň närazylygyna we gapma-garşylygyň döremegine getirer.

* * *

Gije okalan nepil namaz has sogaplydyr.

* * *

Eger maňa hasyl boljak bir dileg dile diýseler, Alladan ant içýän, diňe hak ýoldan azaşmazlygy dilärdim.

* * *

Alladan ant içýärin, ýekeje katra-da nähak gan döken däldirin.

* * *

Men jahylyýet döwründe-de, yslamda-da zyna eden däldirin.

* * *